Ռեջիո մոտեցումը եւ իր առանձնահատկությունները│Վեբինար │25.04.2020թ.

Այս անգամ անդրադարձել էինք նախադպրոցական տարիքի երեխաների զարգացման ռեջիո մոտեցմանը: Ռեջիո մոտեցման մասնագետ Սիլվա Սարդարյանը սիրով կիսվեց իր գիտելիքներով ու փորձով: Վեբինարը ծնողների, ուսուցիչների, երեխաների հետ աշխատող եւ ապրող յուրաքանչյուրի համար էր: Վեբինարի ընթացքում անդրադարձել ենք հետևյալ հարցերին.🌱 ե՞րբ եւ ինչպե՞ս է ծագել ռեջիո մոտեցումը, ի՞նչ առանձնահատկություններ ունի,🌱 ինչո՞վ են տարբերվում ռեջիո մանկապարտեզները,🌱 ինչպե՞ս կազմակերպել [...]կարդալ ավելինՌեջիո մոտեցումը եւ իր առանձնահատկությունները│Վեբինար │25.04.2020թ.

Ռեջիո մոտեցում

Եթե դուք քիչ թե շատ հետաքրքրված եք նախադրպրոցական կրթությամբ, ապա ձեզ ծանոթ կլինեն «Ռեջիո մոտեցում», «Ռեջիո մանկավարժություն» տերմինները։
Ռեջիո մոտեցումը ծագել է Իտալիայի Ռեջիո-Էմիլիա քաղաքում՝ Երկրորդ Համաշխարհային Պատերազմից հետո, երբ մանկավարժ Լորիս Մալագուցին տեղի բնակիչների հետ միասին հանձն առավ ստեղծել մի նոր կրթական մշակույթ, որը հիմնված էր Լ․ Վիգոցկու գաղափարների, Մ․ Մոնտեսորիի սկզբունքների, Պիաժեյի և Գարդների տեսությունների, քաղաքի բնակիչների մտածելակերպի, նրանց անցյալի, ներկայի և երազած ապագայի վրա։ Մալագուցին կարծում էր, որ մեծահասակի հիմնական խնդիրն է օգնել երեխային բացահայտել աշխարհը, ոգեշնչել, զարգացնել հետաքրքրասիրությունը և կարողությունները: