Ինչպե՞ս եւ որտեղի՞ց պատվիրել մանկական հագուստ
Եկեք մի պահ մեր մանկություն վերադառնանք։ Հիշո՞ւմ եք մեր հագուստները։ Հիշո՞ւմ եք՝ որքան զվարճալի, միանման ու ձանձրալի էին դրանք։ Հիշո՞ւմ եք, որ ստիպված էինք մեր ավագ եղբայր/քույրերի հագուստները կրել։ Ժամանակները փոխվում են, եւ մեր երեխաները կարող են լինել ինքնատիպ ու տարբերվող։ Նրանք հնարավորություն ունեն իրենց սիրելի մուլտհերոսներին տեսնել ոչ միայն էկրաններին, այլեւ հայելու մեջ՝ կրելով այդ մուլտհերոսների հետ նույնականացվող հագուստ։
Եթե տասնամյակներ առաջ յուրօրինակ ու տարբերվող հագուստ գտնելը բազմափուլ, բարդ եւ, նույնիսկ, անհնարին գործընթաց էր, ապա հիմա այն իրագործելու համար ընդամենը հարկավոր է ունենալ համակարգիչ եւ գրանցված լինել ONEX -ի կայքում։ Հաշված րոպեների ընթացքում Դուք կկատարեք Ձեր պատվերները եւ հաշված օրերի ընթացքում էլ կստանաք այն։
Մի ՛ սահմանափակեք Ձեր երեխաների ընտրությունը կամ ինքնությունը: Թույլ տվեք, որպեսզի Ձեր երեխան փայլի սեփական ոճով։ Որպես ծնող ՝ անհրաժեշտ է խուսափել կարծրատիպերից երեխային հագուստ ընտրելիս: Ստորեւ Ձեզ ենք ներկայացնում մանկական նորաձևության ամենավերջին թրենդերը, որոնք կօգնեն Ձեր երեխաներին առավելագույնս ինքնարտահայտվել իրենց նախասիրություններին համապատասխանող հագուստի շնորհիվ։
1. Աթլետիկ / Սպորտային ոճ
Երեխաները նույնպես կարող են սպորտային ոճ ունենալ: Սա գրագետ ընտրություն է ոչ միայն տղաների, այլեւ աղջիկների համար։ Այս թրենդը վերջերս է վերադարձել 90-ականներից եւ դեռ երկար է մնալու նորաձեւ: Սպորտային ոճի մանկական հագուստ կարող եք գնել Zappos -ի եւ Shoebacca -ի կայքերից։
2. Էկո Ոճ
Հետզհետե նորաձևությունն ավելի շատ է սկսում ներշնչվել բնությունից: Դիզայներները սկսում են ավելի շատ օգտագործել օրգանական եւ բնական գործվածքներ՝ շեշտը դնելով էկոլոգիական խնդիրների վրա: Այստեղ հատկանշական են նախշերը՝ երկրային գույներով, բուսականության եւ կենդանիների տպագրություններով: Նմանատիպ հագուստ կարելի է ձեռք բերել Etsy -ի կայքից։
3. Դենիմ (Ջինսե հագուստ)
Դենիմը երբեք դուրս չի գա նորաձևությունից՝ լինելով եւ՛ մեծերի, եւ՛ երեխաների զգեստապահարանների անբաժանելի մասնիկը: Այս ոճը բաղկացած է ոչ միայն ջինսե տաբատներից և բաճկոններից, այլեւ ջինսե զգեստներից, կոշիկներից եւ նույնիսկ ականջօղերից: Դենիմ ոճի հագուստ կարելի է գնել GAP -ի կայքից։
4. Լոգոներ
Օրեցօր ավելանում է այն բրենդների թիվը, որոնք օգտագործում են իրենց լոգոները որպես մանկական հագուստի անբաժանելի մասնիկ: Դա կարելի է տեսնել երեխաների շապիկների, աքսեսուարների եւ բաճկոնների վրա: Լոգոներով հագուստ կարող եք գնել Amazon -ից եւ Ձեր նախընտրած բրենդի կայքից։
