«Զանազանը» կազմված է մագնիսական թղթի վրա տպված 330 առանձին գրանշաններից: Ձեռագիր ոճավորումով նշաններն իրենցից ներկայացնում են հայերեն այբուբենի տառերը, թվեր, կետադրական նշաններ ու տարբեր պատկերներ:
Կանոնները շատ պարզ են. հորինում եք գրությունը, ընտրում եք ձեր նախընտրած Այբն ու Բենը և ձեռքով պոկում նախապես կտրված մագնիսե թղթից: Այսպիսով, կարող եք ձեր ընտանիքին, ընկերներին և գործընկերներին զվարճալի գրություններ թողնել՝ փակցնելով դրանք, օրինակ, սառնարանին: «Զանազանի» ուրախ և գույնզգույն տառերը օգտակար են երեխաներին հայերեն սովորեցնելու համար։ Այն նաեւ բառախաղերի համար է նախատեսված։
