Երևանի թիվ 137 մանկապարտեզը գործում է 1962թ.-ից, հանդիսանում է N 177 մսուր-մանկապարտեզի իրավահաջորդը: Առաջին վարիչն է եղել Վ. Բադալյանը, նրան հաջորդել է Է. Դավթյանը, Մ. Աբրահամյանը:
Մանկապարտեզի շինությունը տիպային երկհարկանի կառույց է:
Ունի լուսավոր դահլիճ, որը օգտագործվում է ֆիզկուլտուրայի և երաժշտության պարապունքների անցկացման համար:
Խմբասենյակներում ստեղծված են երեխաների համակողմանի զարգացմանը նպաստող, հետաքրքրությունները բավարարող առարկայական միջավայրեր, խաղային կենտրոններ, մանր ու խոշոր կառուցողական նյութեր և այլն:
Մանկապարտեզում առկա են ուսուցման և հանգստի կազմակերպման անհրաժեշտ պայմաններ:
Այստեղ իրականացվում է 3-6 տարեկան երեխաների ֆիզիկական, մտավոր, գեղագիտական, աշխատանքային, բարոյական, էկոլոգիական դաստիրակություն: Իրականացվում է նաև օտար լեզուների՝ ռուսերենի և անգլերենի ուսուցում, գործում է նաև պարի խմբակ:
Մանկապարտեզում առանձնակի շուքով են նշվում հատկապես ազգային և եկեղեցական տոները:
