Երևանի համար 129 մանկապարտեզը (նախկինում թիվ 97 մսուր-մանկապարտեզ) գործում է 1957 թ.-ից, առաջին տնօրենն է եղել Նորա Սաֆրազբեկովան: Մանկապարտեզն ունի տիպային շենք, մեծ, գեղեցիկ, կանաչապատ բակ։ Մանկապարտեզը ունի լավ պայմաններ` 4 մեծ ու լուսավոր խմբասենյակ-խաղասենյակներ, 4 ննջարաններ, սանհանգույցներ, սակայն ներկայումս դրանք կարիք ունեն վերանորոգման։ Մանկապարտեզում աշխատում են վաստակաշատ, հմուտ մանկավարժներ:
Մանկապարտեզը, գործելու օրվանից մինչև 90-ական թվականները, եղել է ռուսական, իսկ հիմա գործում է մայրենի լեզվով: Որպես լրացուցիչ կրթական ծառայություն երեխաներին ուսուցանվում են ռուսաց և անգլերեն լեզուներ, անց են կացվում հասանելի և հետաքրքիր պարապմունքներ` ՀՀ կրթության և գիտության նախարարության կողմից հաստատված ծրագրով։
Մանկապարտեզոում ավանդաբար նշվում են բոլոր հանդիսավոր և տոնական օրերը, մեծ տեղ է հատկացվում երեխաների բարոյական, հոգևոր, գեղագիտական, ֆիզիկական դաստիարակությանը։
