Դեռահասի Օրվա Ռեժիմը

դեռահասի-օրվա-ռեժիմը

Դեռահասի Օրվա Ռեժիմը

Դեռահասի ճիշտ կենսակերպի ապահովման համար կարեւոր է նրա օրվա ռեժիմի ճիշտ կազմակերպումը: Դեռահասի օրվա ռեժիմից է կախված նրա առողջությունը, ֆիզիկական և հոգեբանական զարգացումը, աշխատունակությունն ու առաջադիմությունը: Դեռահասն ինքը հաճախ չի կարողանում ճիշտ կազմակմակերպել իր օրը: Նա կարող է տարվել որեւէ գործով, ինչից կտուժեն ուսումը, հանգիստը, քունը: Հենց այստեղ է անհրաժեշտ ծնողի օգնությւոնը, եթե նկատում եք, որ օրվա ավարտին երեխան գերհոգնած և նյարդային է , աշխատե՛ք ճիշտ կազմակերպել նրա օրվա ռեժիմը, եւ  բացասական ախտանշանները  հետզհետե կանհետանան:

Դեռահասի օրվա ռեժիմը կազմելիս պետք է հիշել, որ յուրաքանչյուր երեխա վառ անհատականություն է  եւ ունի միայն իրեն բնորոշ առանձնահատկություններ: Դեռահասի օրվա ճիշտ ռեժիմի կամզկերպման համար անհրաժեշտ է հաջորդել տարբեր տեսակի գործողություններ: Ամեն  օր միեւնույն ժամին օրակարգում ընդգրկված տարբեր գործողություններ կատարելիս՝ կենտրոնական նյարդային համակարգում ձեւավորվում են «սովորույթներ», որոնց շնորհիվ հեշտանում է գործողությունից մեկ այլ գործողության անցման գործընթացը: Ահա թե ինչու է խորհուրդ տրվում միեւնույն գործողությունները  (արթնանալ, պատրաստել դասերը, սնվել, քնել) կատարել միեւնույն ժամին:
Նախքան դեռահասի օրվա ռեժիմը կազմելն անհրաժեշտ է հաշվի առնել մի շարք հանգամանք.

  • հետեւե՛ք, որպեսզի սննդի ընդունումը կրի պարբերական բնույթ,

  • քունը պետք է լինի որոշակի տեւողությամբ (8-9 ժամ) , քնից է կախված դեռահասի առողջությունն ու աշխատունակությունը,

  • հետեւե՛ք, որպեսզի երեխան տնային աշխատանքն ամեն օր կատարի միեւնույն ժամին՝ 10-15 րոպե ընդմիջումներով,

  • որոշակի ժամանակ հատկացրե՛ք նաեւ առավոտյան հիգիենային և մարմնամարզությանը  (10-15 րոպե),

  • հատուկ ուշադրություն դարձրե՛ք դեռահասի ազատ ժամանակին , ոպեսզի նա այդ ազատ ժամանակն անցկացնի մաքուր օդում, ոչ թե համակարգչի կամ հեռոսւտացույցի առջեւ ,

  • կարեւոր է հաջորդականորեն իրականցնել բարդ եւ պարզ գործողությունները:

ՀՀ Առողջապահության Նախարարություն