Երևան քաղաքի թիվ 7 մանկապարտեզը ստեղծվել է 1924թ.-ին և համարվում է Կենտրոն համայնքի թիվ 40 մանկապարտեզ ՀՈԱԿ-ի իրավահաջորդը։
Հաստատության շինությունն առանձին երկհարկանի կառույց է, ունի կահավորված խմբասենյակներ և ննջարաններ։
Մանկապարտեզում իրականացվում է 3-6 տարեկան երեխաների ֆիզիկական, մտավոր, գեղագիտական, աշխատանքային, բարոյական, էկոլոգիական դաստիարակություն` հաշվի առնելով երեխաների տարիքային և անհատական առանձնահատկությունները։ Ուսուցման գործընթացն անց է կացվում ինչպես ավանդական`խոսքային, դիտողական, գործնական, այնպես էլ ժամանակակից`խաղային, ակտիվ գործնական մեթոդներով։ Իրականացվում է նաև անգլերենի ուսուցում, երեխաների լիարժեք նախապատրաստում դպրոցական ուսուցման։ Երեխաների առօրյան հագեցած է և ուրախ:
Քանի որ մանկապարտեզը նպատակ ունի վաղ տարիքից երեխաների մեջ ամրապնդել սերը դեպի ընտանիքը, հայրենիքը, հարգանքը ազգային ավանդույթների և մշակույթի նկատմամբ, այստեղ մեծ շուքով նշվում են պետական տոները և ազգային ծեսերը: