Երևան քաղաքի թիվ 10 մանկապարտեզը ստեղծվել է 1950 թ.-ին և համարվում է Կենտրոն համայնքի թիվ 59 մանկապարտեզ ՀՈԱԿ-ի իրավահաջորդը։
Մանկապարտեզում իրականացվում է 2-6 տարեկան երեխաների ֆիզիկական, մտավոր, գեղագիտական, աշխատանքային, բարոյական, էկոլոգիական դաստիարակություն` հաշվի առնելով երեխաների տարիքային և անհատական առանձնահատկությունները։ Իրականացվում է նաև ռուսերեն լեզվի ուսուցում: Մանկապարտեզը նվիրյալ է ավանդույթներին. այստեղ մեծ շուքով նշվում են պետական տոները և ազգային ծեսերը։
Հաստատության շինությունն առանձին երկհարկանի կառույց է, ունի կահավորված խմբասենյակներ և ննջարաններ։ Խմբասենյակներում ստեղծված է երեխաների համակողմանի զարգացմանը նպաստող, հետաքրքրությունները բավարարող առարկայական միջավայր (խաղային կենտրոններ, նկարներ, մանր և խոշոր կառուցողական նյութեր, սեղանի խաղեր և այլն)։
Մանկապարտեզն ունի բարեկարգ բակ, տաղավարներ և խաղամիջոցներ: Ունի նաև տարածք, որը ցանկանում է օգտագործել որպես ֆիզկուլտուրայի և երաժշտության պարապմունքների դահլիճ: