Երևանի թիվ 162 մանկապարտեզը գործում է 1978 թվականից: Շենքը երկհարկանի տիպային կառույց է:
Մանկապարտեզում մեծ ուշադրություն է դարձվում երեխաների ֆիզիկական դաստիարակությանը, երեխաները այստեղ սովորում են նկարել, ծեփել, երգել, պարել, կատարել ապլիկացիոն և կառուցողական աշխատանքներ: Մանկապարտեզում կազմակերպվում է լրացուցիչ ծառայություն՝ անգլերենի ուսուցում:
Հաստատությունում կարևորվում է բնության նկատմամբ գրագետ վերաբերմունքի, առողջ ապրելակերպի ուղղությամբ տարվող աշխատանքները: Բավական մեծ էր «Բնության բարեկամներ» ՀԿ-ի և ՖԱՕ-ի համատեղ իրականացված աշխատանքների դերը: Վերջինների ջանքերով մանկապարտեզն այսօր բավական գեղեցիկ այգի ունի:
Լուծվել է նաև երեխաների խաղահրապարակի հարցը շնորհիվ «Փյունիկ» բարեգործական հիմնադրամի նվիրաբերած մանկական խաղահրապարակների:
2013թ.-ից քաղաքապետարանը մանկապարտեզը համալրեց նոր գույքով՝ սառնարանով, գազօջախով, մանկական զգեստապահարաններով, մահճակալներով, սեղաններով, աթոռներով, խոհանոցային պարագաներով:
2015թ.-ին քաղաքապետարանի կողմից ամբողջովին փոխվել են մանակապարտեզի տանիքը, դռներն ու լուսամուտները: 2016-17թթ.-ին վերանորոգվել է խոհանոցը, կատարվել են ներքին հարդարման աշխատանքներ:
