Երևանի համար 120 մանկապարտեզը հիմնադրվել է 1989 թ.-ի հունիսի 1-ին։ Հիմադիր տնօրենն է Անաիդա Քերոբյանը։
Մանկապարտեզի շենքը տիպային է:
Մանկապարտեզն ունի մարզադահլիճ և երաժշտական պարապմունքների դահլիճ՝ անհրաժեշտ գույքով:
Այստեղ անց են կացվում ռուսաց լեզվի պարապմունքեր՝ ծնողների ցանկությամբ:
Մանկապարտեզը միշտ աչքի է ընկել իր սանիտարական մաքրությամբ, բազմատեսակ սննդակարգով, անխափան օրակարգով և բազմաբնույթ ու յուրօրինակ միջոցառումներով։ Հատուկ ուշադրություն է դարձվել երեխաների հայրենաճանաչողությանն ու հետևաբար, նաև, հայեցի դաստիարակությանը։ Վերջինիս վառ ապացույցներն են ամենօրյա հայրենագիտական պարապմունքներն ու ամենամյա տոնական տարբեր միջոցառումները։ Հատկանշական են Վարդանանց տոնին նվիրված հանդեսները, որոնք ուղեկցվում են հոգևոր և հայրենասիրական երգերով ու բեմադրական հետաքրքրաշարժ լուծումներով։
Ամենամյա միջոցառումների ցակում են «Ոսկե աշուն», «Ամանոր», «Գարնան զարթոնք», «Ծաղկազարդ», «Սուրբ Զատիկ», «Մեկ տարով էլ մեծացանք» հանդեսները։
Կազմակերպվում են Ճանաչողական այցելություններ անվանի հայերի տուն-թանգարաններ։ Հիշարժան է Հովհաննես Թումանյանի տուն-թանգարանում կազմակերպած` նախադեպը չունեցող միջոցառումը, որը հիացրել էր անգամ թանգարանի աշխատակիցներին։ Ցավոք այս տեսակ նախաձեռնությունները շարունունակական չեն դառնում, որովհետև կապված են որոշակի ֆինանսական խնդիրների հետ, իսկ երեխաների խանդավառությունն ու մեծ սերը դեպի մեր մեծերը, պարտավորեցնում են մանկավարժներին։