Երևանի համար 109 մանկապարտեզը հիմնադրվել է 1974 թ.-ին։ Մինչև 2000 թ. կոչվել է Երևանի թիվ 267 մանկապարտեզ, 2000 թ.-ից մինչև 2010 թ. Նոր Նորք համայնքի համար 14 համալիր մանկապարտեզ։ 2010 թ.-ի փետրվարի 9-ից Երևանի քաղաքապետի N63-Ա որոշման համաձայն վերանվանվել է «Երևանի համար 109 ՆՈՒՀ» ՀՈԱԿ։ Մանկապարտեզի հիմնադիր տնօրեն Լենա Վարդապետյանը աշխատել է 1974 թ.-ից մինչև 1993 թ.։
Մանկապարտեզը հետաքրքիր ավանդույթներ ունի. պարբերաբար կազմակերպվում են հետաքրքիր միջոցառումներ, նշվում են ազգային տոները։ Երեխաների կրթադաստիարակչական աշխատանքները կազմակերպելու համար ստեղծված են բոլոր նպաստավոր պայմանները։ Մանկապարտեզի խմբասենյակները վերանորոգված են, հագեցած ուսումնաօժանդակ նյութերով, դիդակտիկ պարագաներով։ Մանկապարտեզն ունի մարզական և երաժշտական պարապմունքների դահլիճներ՝ անհրաժեշտ գույքով:
Մանկապարտեզում իրականացվում է նաև ներառական կրթություն: Հատուկ կարիք ունեցող երեխաների հետ աշխատում է հմուտ հոգեբան։
