Երևանի համար 104 մանկապարտեզը (նախկինում 252 մսուր-մանկապարտեզ, այնուհետև՝ թիվ 9 մանկապարտեզ) կառուցվել է 1968թ-ին: Մանկապարտեզի շենքը տիպային է, ունի 2 մասնաշենք: Ունի երաժշտական և մարզական դահլիճներ՝ համապատասխան գույքով:
Մանկապարտեզի առօրյան հետաքրքիր է և բազմաբովանդակ: Նշվում են ազգային տոները, կազմակերպվում թեմատիկ միջոցառումներ, սպորտլանդիաներ, հանդիպումներ մանկագիրների, կոմպոզիտորների, արվեստի գործիչների և հոգևոր առաջնորդների հետ, այցելություններ գրադարաններ և պատկերասրահներ: Երեխաները ակտիվ մասնակցություն են ունենում շրջանային և քաղաքային միջոցառումներին։
Մանկապարտեզում իրականացվում են լրացուցիչ կրթական ծառայություններ՝ անգլերեն և ռուսերեն լեզուների ուսուցում, որտեղ երեխաներն ընդգրկվում են կամավորության սկզբունքով:
Մանկապարտեզը ղեկավարվում է «Առողջ մարմնում` առողջ ոգի» կարգախոսով։
