Բլոգ

Պանրով կրեկեր

Բաղադրիչներ

    • 100 գր դեղին պանրի

    • 1 հատ ձու

    • 3 ճգ ձիթայուղ

    • 40 գր փափուկ կարագ

    • 1/4 թգ աղ

    • 200 գր ալյուր

Պատրաստման եղանակ: Մանր քերիչով անցկացնել պանիրը, ավելացնել մնացած բաղադրիչները: Պետք է ստացվի պինդ խմոր: Հունցել խմորը, գրտնակով բացել և կտրատել ձեր նախընտրած տեսքով: Թխել 15 րոպե 180 աստիճան տաքացրած ջեռոցում :

Հետաքրքիր փաստեր ձախլիկ երեխաների մասին

Ձախլիկ երեխաներ ծնվում են հիմնականում ձախլիկ ծնողներից: Բավական է, որ ծնողներից մեկը լինի ձախլիկ, ու մեծ է հավանականությունը, որ երեխան կծնվի ձախլիկ:
Ձեր երեխան աջլի՞կ է, թե՞ ձախլիկ. սա կարող եք պարզել 1-2 տարեկանում: Եթե նկատեք, որ ձեր փոքրիկն ուտում, գրում, նկարում, խաղում է ձախ ձեռքով, ապա նա պատկանում է աշխարհի բնակչության 15 տոկոսին: Իհարկե, կան ձախլիկությունը պարզող այլ մեթոդներ, որոնց տիրապետում են բժիշկներն ու հոգեբանները:
Բոլոր ձախլիկների մոտ լավ զարգացած է տեսողական-տարածական ընկալումը: Նրանք կարող են վարժ գրել ինչպես հորիզոնական, այնպես էլ ուղղահայաց ձևով: Նրանք կարող են կարդալ նաև ցանկացած դիրքով:
Ձախլիկները կարող են գրել հայելային ձևով. այնպես, որ մյուս մարդիկ դժվարությամբ կարդան: Նման գրվածքը կարելի է կարդալ հայելիով: Սակայն այս «ունակությունը» կարող է վերանալ, եթե մինչև երեխայի 10 տարեկանը այն չզարգացնեք:
Ի դեպ, կան պարագաներ, որոնք ստեղծված են այնպես, որ հարմար լինեն ձախլիկներին. գրենական պիտույքներ, ստեղնաշար, երաժշտական գործիքներ:
Մասնագետներն ասում են, որ ձախլիկ երեխաները շատ շուտ են հոգնում: Հենց այդ պատճառով նրանք 15-20 րոպե զբաղվելուց հետո պետք է մի փոքր հանգստանան:
Սկզբնաղբյուրը՝ impoqrik.am

Խաղեր 3-5 տարեկան երեխաների դաստիարակման եւ զարգացման համար

Իտալացի հոգեբան եւ մանկավարժ Մարիա Մոնտեսորին 3-5 տարեկան երեխաների դաստիարակման եւ զարգացման համար աջառարկում է խաղեր, որոնք չեն պահանջում հատուկ խաղալիքներ կամ առարկաներ: Այդպիսի խաղերում օգտագործվում են հիմնականում կենցաղային իրեր, այնպիսիք, որ կարելի է գտնել ցանկացած տանը եւ որոնց երեխաները բախվում են ողջ օրը: Կարեւորը լինել մշտապես երեխայի կողքին, ուղղորդել նրան եւ սովորեցնել:
1. Պետք է վերցնել տարբեր չափերի շշեր, բացել կափարիչները, խառնել եւ առաջարկել երեխային փորձել ետ փակել այդ շշերը: [...]

կարդալ ավելին

մանկական բաղադրատոմս

Ինչպես պատրաստել պաղպաղակ տնային պայմաններում

Բաղադրիչներ

    • 6 ձու,

    • 250 գր. շաքարավազ,

    • 1 լ. կաթ,

    • 0.5 թգ վանիլին,

    • 125 գր. կտրատած շոկոլադ կամ 50 գր կակաո:

Պատրաստման եղանակ 6 ձուն հարել 250 գր. շաքարավազով: 1 լ. կաթը եփել, ավելացնել վանիլինին: 125 գր. կտրատած շոկոլադը կամ 50 գր. կակաոն լուծել ոչ մեծ քանակությամբ ջրում, դնել կրակին, եռացնել, քամել և քիչ-քիչ ավելացնել կաթին: Հետո ամբողջ զանգվածը լցնել հարած ձվի վրա և թույլ կրակի վրա անընդհատ խառնելով եփել մինչև թանձրանա: Կրակից վերցնել, խառնելով սառեցնել, լցնել պաղպաղակի ամանների մեջ և դնել սառնախցիկ:

Ջեյքոբ Բարնեթ, ծնված՝ 26.05.1988թ:

Աշխարհի ամենահայտնի փոքրիկ մաթեմաթիկոսն է, որի մոտ 2 տարեկանում աուտիզմի ծանր տեսակ են հայտնաբերել: Հրաշքով հաղթահարել է հիվանդությունը և տրվել է գիտությանը․․․
3 տարեկանում բացատրել է մոլորակների շարժման օրենքը, իսկ արդեն 10 տարեկանում ընդունվել է Ինդեանապոլսի Պորյու համալսարան: 12 տարեկանում հերքել է Ալբերտ Էյնշտեյնի Հարաբերականության Տեսությունը:
Հիմա տարված է քվանտային ֆիզիկայում իր դոկտորական ատենախոսության աշխատանքներով

Խաղ երեխաների համար

Երեխայի հետ կազմեք գնումների ցուցակը: Մասին գնացեք խանութ և գտեք ձեր ցուցակի մթերքը :
Տուն վերադառնալով, թույլ տվեք, որ նա օգնի ձեզ տեղավորել մթերքը, միասին կարդացեք պիտակները: Լավ կլինի, որ միասին պատրաստեք ինչ-որ բան այդ մթերքից: Հայտնեք ձեր շնորհակալությունը փոքրիկին՝ ցույց տված օգնության համար:

Խաղալիքներ՝ ինչպես եւ ինչքան

Հետազոտությունը հետազոտության հետեւից ցույց է տալիս, որ շատ խաղալիքներ ունենալը վնասակար է երեխաների առողջ հոգեբանական զարգացման համար: Այն հանգեցնում է մի շարք բացասական հետեւանքների՝ ուշադրության խնդիրներ, հիպերակտիվություն, ուսման մեջ դժվարություններ, հարաբերությունների դեգրադացիա, էգոիզմ, նյութապաշտության՝ այս ցուցակն անվերջ կարելի է շարունակել: Որքան շատ են խաղալիքները, այնքան շատ են կռիվները քույրերի եւ եղբայրների միջեւ, երեխաներն ավելի քիչ են խաղում խաղալիքներով, լինում են ավելի նյարդային ու չբավարարված:

  • Սահմանափակեք խաղալիքների քանակը եւ առաջնորդվեք որքան քիչ, այնքան լավ սկզբունքով:

  • Նվիրաբերեք եւ հերթափոխեք խաղալիքները:

  • Ընտրեք պարզ, որակյալ, բաց նշանակություն ունեցող խաղալիքներ:

  • Փոքրուց՝ (սկսած 1-2 տարեկանից) սովորեցրեք երեխաներին խաղալիքները հավաքել եւ դասավորել իրենց տեղերում:

    Հեղինակ՝ Վանենի Վարդանյան

Ե՞րբ եւ ինչպե՞ս երեխաներին սովորեցնել օտար լեզուներ

Ո՞ր տարիքից երեխային սովորեցնել մայրենիից բացի այլ լեզու: Այս հարցին շատ դժվար է միանշանակ պատասխան տալը, քանի որ գիտական աշխարհում կարծիքները բաժանվում են երկու մասի՝ մի մասը պնդում է, որքան շուտ, այնքան լավ, իսկ մյուս մասը կարծում է, որ ավելի մեծ տարիքում՝ 11-13 տարեկանում, երկրորդ լեզու սովորածները, եթե ոչ ավելի շատ առավելություն ունեն, ապա ոչնչով չեն զիջում իրենցից փոքրերին: Շուտ սկսելուն կողմ արտահայտվողները հիմնականում տեսաբաններն են, իսկ դեմ արտահայտվողները՝ հետազոտողները:
Սկզբնաղբյուրը՝   www.mediamax.am

Մայրական ծեծ

Ծեծը, թերեւս, բոլոր պատժամիջոցներից ամենատարածվածն է եւ իրականում ամենաանցանկալին: Եթե մյուս պատժամիջոցները կարելի է կիրառել դաստիարակության երկարատև եւ դժվարին գործընթացի ընթացքում, ապա ծեծը միանշանակ ոչ մի դրական ներդրում չի կարող ունենալ եւ ոչ մի պարագայում: Իրականում ծեծը երեխային հանդարտեցնելու եւ անցանկալի գործողության վերջը դնելու ամենահեշտ մեթոդն է: Ոչ առանձնապես համբերատարություն է այն պահանջում, ոչ էլ մեծ ճիգեր:


[...]

կարդալ ավելին

մայրական սեր

ԱՆՎԵՐԱՊԱՀ ՍԵՐ

Մայրական սերը, իրականում, երեխայի հետ չի ծնվում: Շատ մայրիկներ երեխայի կյանքի առաջին ամիսներին նոր-նոր սովորում են սիրել այդ փոքրիկ, անպաշտպան և անհասկանալիորեն անվերջ ճչացող արարածին, որը միայն անհարմարություն ու տհաճություն է առաջացնում: Իհարկե, քիչ մայրիկներ են խոստովանում դա, սակայն հաճախ քիչ է մնացել մի լավ թափահարեն այդ ծվծվանին 
Պետք չէ մեղադրեք ինքներդ  ձեզ, եթե հայտնվել եք նման իրավիճակում: Գաղտնիք չէ, որ բոլոր մայրիկներն էլ, թեկուզ մեկ անգամ, ունեցել են այդ ապրումները: Դա, նույնիսկ, իր հիմնավոր պատճառաբանությունն ունի: Այսպես, երիտասարդ հղի կինը մինչև ծննդաբերությունը շրջապատված է եղել ընտանիքի, հարազատների, միջավայրի համընդհանուր ուշադրությամբ: Երեխայի ծնունդն էլ համընդհանուր ուրախուրյան առիթ էր: Սակայն, կրքերը խաղաղվեցին, ամենքն իր գործով է զբաղված ու, կարծես, չեն էլ նկատում հոգնատանջ մայրիկին: Այնպիսի տպավորություն է ստեղծվում, ասես, դու քո փոքրիկի հետ ոչ ոքի պետք չես: Ավելին, բոլորը վազքի մեջ են, կյանքը եռում է շուրջդ, բայց դու  կապվել ես այդ արարածի մահճակալին, վերջ ազատությանը….Անգամ ուզածիդ չափ լացել չես կարող…
Սա կոչվում է ‹‹հետծննդաբերական ընկճախտ (դեպրեսիա)››: Դա բոլորի մոտ էլ լինում է, թեև յուրաքանչյուրի մոտ յուրովի: Դա  առավել խիստ է դրսևորվում առաջին երեխայի ծնունդից հետո: Հետագայում՝ մյուս երեխաների ծնունդից հետո ընկճվածության զգացողությունը կամաց-կամաց թուլանում է:


[...]

կարդալ ավելին